Мектепке дейінгі, орта, қосымша, техникалық және кәсіптік, жоғары білім ұйымдары үшін видеосабақтар мен видеодәрістердің жыл сайынғы «Педагогикалық идеялар панорамасы» Республикалық конкурсы туралы Ереже

                                  Мектепке дейінгі, орта, қосымша, техникалық және кәсіптік, жоғары білім ұйымдары үшін видеосабақтар мен видеодәрістердің жыл сайынғы

«Педагогикалық идеялар панорамасы»

Республикалық конкурсы туралы Ереже

1. Жалпы ережелер

 Осы Ереже мектепке дейінгі, орта, қосымша, техникалық және кәсіптік, жоғары білім ұйымдары үшін бейне-сабақтар мен бейне-дәрістердің жыл сайынғы «Педагогикалық идеялар панорамасы» Республикалық конкурсын (бұдан әрі – Конкурс) өткізу және қатысу тәртібі мен талаптарын реттейді. 

Конкурс Қазақстан Республикасының Президенті Н. Ә. Назарбаевтың Жолдауларын жүзеге асыру аясында өткізіледі. "Төртінші өнеркәсіптік революция жағдайындағы дамудың жаңа мүмкіндіктері "(10.01.2018 ж.) және" қазақстандықтардың әл-ауқатының өсуі: табыс пен өмір сапасының артуы " (05.10.2018 ж.).

1.1. Конкурс мектепке дейінгі, орта, қосымша, техникалық және кәсіптік, жоғары білім беру қызметкерлерінің озық педагогикалық идеяларын, заманауи білім беру технологиялары мен әдістемелерін қолдану бойынша тиімді тәжірибелерді ұсыну және тарату нысандарының бірі болып табылады.

1.2. Конкурсты өткізу білім беруді дамытып, озық педагогикалық практикаларға қолжетімділікті қамтамасыз етуге ықпал ететін болады. Конкурс педагогтардың кәсіби және ақпараттық-коммуникациялық құзыреттіліктерінің өсуіне қызмет етеді, ал олардың үздіктері қоғамдық мойындауды алады.

1.3. Конкурстың ұйымдастырушысы – «Өрлеу»  Біліктілікті арттыру ұлттық орталығы»  Акционерлік қоғамы (бұдан әрі - «Өрлеу» БАҰО» АҚ).

1.4. Конкурсты ұйымдастыру және өткізу үшін Өңірлік ұйымдастыру комитеті (бұдан әрі - ӨҰК) "Өрлеу "БАҰО" АҚ филиалы Ақмола облысы бойынша ПҚ БАИ базасында құрылады, ол өңірлік және республикалық кезеңдерде конкурсты ұйымдастыру мен өткізуге жауапты.

1.5. ӨҰК Төрағасы  «Өрлеу» БАҰО» АҚ филиалы «Ақмола облысы бойынша ПҚ БАИ» институтының директоры п.ғ.д. профессор  Стукаленко Н.М. болып табылады.

1.6.Түскен видео материалдарды бағалауды жүргізу мақсатында сараптамалық кеңес құрылады, олар білім беру, оқыту әдістемесі, медиатехнология  саласындағы білікті мамандар қатарынан жасақталады және ӨҰҚ  төрағасы бекітеді. Сараптамалық кеңестің төрағасы «Өрлеу» БАҰО» АҚ филиалы «Ақмола облысы бойынша ПҚ БАИ» институтының директорының орынбасары Иманова А.Н. болып табылады.

1.7. ӨҰК  Ұйымкомитет әзірлеген Конкурсты ұйымдастыру мен өткізу жөніндегі біріңғай іс-шаралар жоспары бойынша әрекет етеді және Сараптамалық кеңесінің жұмысын қамтамасыз етеді.

2. Мақсаты мен міндеттері

2.1 Конкурстың  мақсаты-қазіргі педагогикалық тәжірибені жалпылау және көпшілікке тарату, мектепке дейінгі, орта, қосымша, техникалық және кәсіптік, жоғары білім беру ұйымдары үшін жыл сайынғы Республикалық "Педагогикалық идеялар панорамасы" атты видеосабақтар мен видеолекциялар конкурсы туралы Ережеге сәйкес бірыңғай ақпараттық-білім беру кеңістігінде педагогтардың ақпараттық-коммуникациялық және технологиялық құзыреттілігін арттыру.

2.2. Конкурстың міндеттері:

- педагог мәртебесін нығайтуға және оның имиджін арттыруға жәрдемдесу;

- үздік педагогикалық тәжірибеге қол жетімділікті қамтамасыз ету;

- білім беру қызметкерлерінің кәсіби құзыреттілігін дамыту;

- ҚР виртуалды Білім беру кеңістігінде үздік видеосабақтар мен видеодәрістер банкін ұлғайту.

3. Конкурс мынадай бағыттарды қамтиды:

- мектепке дейінгі тәрбие мен оқытудағы заманауи технологиялар;

- орта білім беруді оқытудағы заманауи технологиялар;

- техникалық және кәсіптік оқытудағы заманауи технологиялар;

- жоғары білімді оқытудағы заманауи технологиялар;

- қосымша білім беруді оқытудағы заманауи технологиялар.

           4.Конкурстың тілі

Қазақ, орыс, ағылшын.

           5.Бейнематериалдың түрі:

Бейнематериалда концептуалды педагогикалық идея, яғни кәсіби педагогикалық тәжірибенің әр түрлі жағы, әр қырлары, ракурстарының инновациялық мәнін жалпы жоспарда бекітетін қысқа тұжырымдалған ой болуы тиіс.

- дәріс (оқыту мен тәрбиелеу әдісі, белгілі бір саладағы идеялар жүйесін дәйекті монологтық баяндау);

- сабақ (оқу жұмысын ұйымдастыру формасы, осы жағдайда педагог оқу бағдарламасында айқындалған білім алушыларға қойылған дидактикалық және тәрбиелеу мақсаттарына қол жеткізу үшін саналуан әдістерді пайдалана отырып, нақты кесте бойынша тұрақты құраммен дәл белгіленген уақыт шеңберінде  жұмыс жасайды);

- ашық сабақ (өзінің жұмыс әдістерін көрсету мақсатында басқа оқытушылардың қатысуымен тәжірибелі оқытушы өткізетін сабақ, тәжірибе алмасу мен біліктілікті арттырудың маңызды құралы);

- практикалық/лабораториялық жұмыс (теориялық білімдерді тереңдету мен бекіту, дербес сынақтан өту дағдыларын дамыту мақсатындағы өздік практикалық жұмыс түрлерінің бірі);

- семинар (жетекшінің тапсырмасы бойынша жекелеген мәселелерді, проблемларды, тақырыптарды білім алушылардың өздігінен оқып үйренуіне құрылған, артынша материалды  баяндама, реферат түрінде рәсімдейтін және оны бірлесіп талқылайтын оқу процесінің формасы).

1. Конкурсқа қатысу тәртібі

6.1. Конкурсқа ведомстволық бағыныстылығына, меншік түрі мен нысанына қарамастан жиырма екі аталым бойынша білім беру ұйымдарының педагогикалық қызметкерлері қатыса алады.

6.2. Конкурсқа педагогтар жеке дара, сондай-ақ шығаршылық ұйымдар арқылы қатысуға құқылы.

6.3. Конкурсқа қатысушыларының, міндетті түрде "Өрлеу "БАҰО"АҚ филиалы Ақмола облысы бойынша БАИ.қызметкерлері қатарынан куратор (лар) болуы тиіс.

6.4. Конкурсқа қатысушылар беретін бейне материалдар саны шектелмейді. Әрбір  бейне материалға Конкурсқа қатысу өтінімін толтыру қажет.

6.5. Конкурсқа қатысуға бұрын жарияланбаған, басқа конкурстарға қатыспаған, интернет желісіне орналастырылмаған бейне материалдар жіберіледі.

6.6. Байқауға ұсынылған бейнематериалдар филиалдың қолдауымен немесе бірлесіп жасалуы тиіс.

1. Конкурсты ұйымдастыру және өткізу тәртібі

Конкурс үш кезеңде өткізіледі.

7.1.   Бірінші кезең – даярлық, мыналарды қамтиды:

7.1.1. өңірлік ұйымдастыру комитетін (бұдан әрі- ӨҰК) құру;

7.1.2.өңірлік Сараптама кеңестерін  құру;

7.1.3. Конкурсты даярлау мен өткізу жөніндегі Ұйымкомитеттің біріңғай  

іс-шаралар жоспарын әзірлеу;

7.1.4. еліміздің педагогтарын танымал ету және Конкурсқа тарту           

шеңберінде жарнамалық өнім жасап, оны  тарату;

7.1.5 жіберілетін материалдарды жинақтау үшін бұлтты шешім жасау.

Әрбір  филиалда жеке бұлт (облако) құрылады.

7.2.   Екінші кезең – өңірлік, мыналарды қамтиды:

7.2.1 ӨҰК конкурсқа қатысуға өтінімдерді жинап, кураторын анықтайды;

7.2.2 толтырылған өтінімді (2 қосымша) электрондық мекен-жайға жіберу қажет panoramaidei.akmola@mail.ru "КОНКУРС" белгісімен»;

7.2.3 куратор (лар) міндетті түрде конкурстық жұмысты құру/жетілдіру бойынша әдістемелік және техникалық көмек көрсетеді, бейнематериал карточкасын толтырады, электронды түрде ұйымдастыру комитеті жібереді;

7.2.4 бейнематериалды құрғаннан немесе жетілдіргеннен кейін куратор (лар) оны "бұлтқа" жүктеу үшін "өңірлік конкурс материалдары" папкасының тарауларына тиісті номинацияларға ӨҰК-не жібереді. Материалды жүктеу кезінде файл атауы видеосабақтың және (немесе) видеодәрістің атауымен бірдей болуы тиіс;

7.2.5 конкурстық жұмыстарды жүктеу кезеңі аяқталғаннан кейін ӨҰК барлық материалдарды Өңірлік сараптау кеңесіне береді;

7.2.6 Сараптамалық кеңес өлшемдерге сәйкес конкурстық жұмыстарды бағалауды жүзеге асырады және ӨҰК Республикалық кезеңге қатысу үшін әрбір номинацияда үш үздік жұмысты ұсынады;

7.2.7.филиалдың ӨҰК Ұйымдастыру комитетінің мекен-жайына конкурстың аймақтық кезеңінде жүлделі орын алған үш фильмге сілтеме жолдайды, әр номинацияда (Ұйымдастыру комитеті электрондық түрде жібереді). Сондай-ақ электронды түрде ұйымдастыру комитетінің мекен-жайына ӨҰК төрағасы растаған Сараптамалық кеңес отырысының хаттамасы (әрбір критерий бойынша балмен). Республикалық кезеңде конкурстың аймақтық кезеңінде алынған балдар есепке алынбайды;

7.3. Үшінші кезең  – Республикалық, мыналарды қамтиды:  

7.3.1ұйымдастыру комитеті жиырма екі номинация бойынша конкурстық жұмыстардың бірыңғай тізімін қалыптастырады және оны әрбір филиалдың ӨҰК -на сараптамалық кеңестердің бағалауы үшін жібереді, Ұйымдастыру комитеті электрондық түрде жібереді;

7.3.2 республикалық кезең өңірлік сараптамалық кеңестердің дауыс беруі нәтижесінде үздік жұмыстарды іріктеумен аяқталады. Әрбір сарапшы критерийлерге сәйкес барлық филиалдардың барлық конкурстық материалдары бойынша өз филиалының жұмысын қоспағанда, өз номинациясына дауыс береді.

7.3.3 әрбір филиалдың ӨҰК электронды түрде (Ехсеl және РБР форматы) сараптау парақтарын Ұйымдастыру комитетінің мекен-жайына жібереді;

7.3.4 дауыс беру нәтижесінде алынған жиынтық ұпай қорытынды болып табылады;

7.3.5 Ұйымдастыру комитеті "Өрлеу "БАҰО" АҚ білім беру арнасында, YouTube-да өңірлік кезең жеңімпаздарының жұмыстарын (жиырма екі номинация бойынша 1,2,3 орын) орналастырады.

 7.4. Конкурстың қорытындылары  «Өрлеу» БАҰО» АҚ сайтында орналастырылады.

7.5. Кезеңдер мерзімдері «Өрлеу» БАҰО» АҚ Басқармасының бұйрығымен анықталады».

7.6. Авторлық құқықтар.

Конкурсқа қатысушы өзінде кез келген нысанда және кез келген әдіспен пайдалануға болатын мүліктік және мүліктік емес (айрықша) авторлық құқықтың бар екендігіне кепілдік береді. Конкурсқа қатысушылар үшінші тұлғалардың  авторлық (сабақтас) құқықтарын бұзғандығы үшін жеке жауапкершілік көтереді.

Қатысушы тапсырған және Конкурста пайдаланылатын зияткерлік қызмет нәтижелеріне айрықша құқықтардың бұзылуына байланысты үшінші тараптардың талаптарын Конкурсқа қатысушы өз күштерімен және өз есебінен шешуге міндеттенеді.

Конкурсқа өз жұмысын жібере отырып, автор тапсырылған материалды Конкурстың ұйымдастырушысына  олардың ұйғарымы бойынша шектеусіз мерзім бойында ақысыз (сыйақы төлеусіз) шарт қоймай пайдалану  құқығын, Конкурсқа қатысқан бейнені жария тарату оның ішінде оны интернет желісіне, телебағдарламаларға орналастыру, шығармашылық жобаларға қосу, БАҚ-та жариялау, одан кейін тарату, шығармашылық өңдеу құқығын қоса алғанда (алайда олармен шектелмей) және т.б.)  автоматты түрде береді. Конкурсқа жіберілген жұмыстар (бейне) рецензияланбайды және қайтарылмайды.

Қатысушы Конкурсқа қатысуымен Конкурс ұйымдастырушысына дербес мәліметтерін (тегін, атын, әкесінің атын, электронды почтатасының мекенжайын, бейнелелеуді (фотографияны) және өзге дербес мәліметтерді) пайдалануға және өңдеуге өз келісімін береді.

Конкурсқа барлық қатысушылар өз аттарын, тектерін, әкесінің аттарын, және бейнелеулерді (фотографияларды) Конкурс ұйымдастырушысының сайтына орналастыруға, сондай-ақ баспасөз басылымдарына, радио- және телевизиялық хабарларға, Интернет-БАҚ-қа және ақпаратты өзге бұқаралық ақпарат құралдарында, You Tube, Facebook-ты қоса алғанда (шектеусіз) таратуға өз келісімін береді .

8. Конкурсты бағалау критерийлері:

8.1. педагогикалық идея: педагогикалық идеяны ашу-автор өзінің педагогикалық тәжірибесінде қолданатын педагогикалық ережелер, тұжырымдамалар немесе технологиялар бейнематериалында ұсынылуы;

8.2. өзектілігі, білім берудің заманауи талаптарына сай болуы;

8.3. тәжірибеге-бағытталған;

8.4. материалдың әдістемелік құндылығы;

8.5. педагогикалық идеяның әмбебаптығы-білім алушылардың түрлі санаттары үшін басқа жағдайларда педагогикалық идеяны қолдану мүмкіндігі;

8.6. автордың тіл мәдениетін сақтауы-тілдік және тілдік емес мәнерлілік құралдарын пайдалану, сөйлеуді фонетикалық ұйымдастыру, екпіннің дұрыстығы, нақты дикция, логикалық екпін, арнайы терминология мен белгілеулерді пайдаланудың дұрыстығы;

8.7. сюжеттік желіні құру логикасы (сюжетті байлау, сұрақ қою/мәселе, сұрақ/мәселені шешу);

8.8. оқу материалы мазмұнының көрнекі қатарға сәйкестігі;

8.9. визуалды қатардың сапасы;

8.10. дауыстық сүйемелдеу сапасы.

Өлшемдердің әрқайсысы бойынша 8.1-8.10 тармақтары критерийлерінің әрқайсысы бойынша 0-ден бастап 2 балл беріледі (0 балл – бағалау критерийі көрсетілмеген, 1 балл – ішінара көрсетілген, 2 балл-толық көрсетілген).

           9. Конкурстық жұмыстарға қойылатын талаптар:

9.1 мазмұны:

• конкурстық жұмыс мазмұнының конкурс бағыттарына сәйкестігі;

• ҚР МЖБС сәйкестігі;

• арнайы терминология мен белгілеулерді пайдаланудың дұрыстығы.

10. Конкурстың Республикалық кезеңінің жүлде қоры:

Жүлделі орындар үшін ақшалай сыйақылар қарастырылған. Жүлделі орындар әрбір тақырыптық бағыттар үшін анықталады (1,2,3 орын жиырма екі номинация бойынша беріледі). Өңірлік және республикалық кезеңдердің барлық қатысушылары марапаттау құжаттарын алады (қатысу сертификаттары немесе 1, 2, 3 дәрежелі жеңімпаз дипломдары).

Конкурсқа қатысу мәселесі бойынша «Өрлеу» БАҰО» АҚ филиалы Ақмола облысының   педагогикалық кадрлардың біліктілігін арттыру институтына хабарласыңыз

1-қосымша

«ПЕДАГОГИКАЛЫҚ ИДЕЯЛАР ПАНОРАМАСЫ»

КОНКУРСЫНА ҚАТЫСУ ҮШІН ТАҚЫРЫПТЫҚ БАҒЫТТАР БОЙЫНША АТАЛЫМДАР ТІЗБЕСІ

2-қосымша

«ПЕДАГОГИКАЛЫҚ ИДЕЯЛАР ПАНОРАМАСЫ»

КОНКУРСЫНА ҚАТЫСУ ӨТІНІМІ                                  

Шығармашылық ұйымдар үшін 7-11- тармақтар әрбір қатысушы үшін біріңғай кестеде толтырылады